Анголын Ерөнхийлөгчөөр 1979-2017 ажилласан Хосе Эдуардо Дос Сантосын охин Изабел Дос Сантос аль ч орны шүүхээс авлига, албан тушаалын хэрэгт яллагдаагүй атал Их Британийн Засгийн газраас түүнийг “Мангас клептократ” гэж зарлаад санхүүгийн хориг тавьсан байна. Клептократ гэдэг нь улсын төсвийн хөрөнгө их хэмжээгээр завшиж, ямар нэгэн ял шийтгэл хүлээгээгүй этгээдийг нэрлэдэг нэр томъёо юм. Нефтиэр баялаг Анголын экс Ерөнхийлөгчийн охин Изабел Дос Сантос нь улсдаа төдийгүй Африк тивдээ хамгийн баян эмэгтэй гэгдэж байсан билээ. Их Британийн талаас Анголын төрийн санг цөлмөсөн гэж үзэж буй Изабел Дос Сантосын хөрөнгийг зарцааж, аяллын хориг тавьсан гэж ойлгож болно. Харин Изабел Дос Сантосын хувьд дээрх шийдвэрийг гаргахад Анголын Засгийн газрын хийсэн явуулга, ингэснээр нэр хүндийг нь унагаж, 51 настай түүний улс төрийн замналд хаалт тавих гэсэн улс төрийн хорлон сүйтгэх ажиллагаа гэж ВВС агентлагийн тодруулгад хариулсан байна. Мөн түүнийг ямар нэгэн байдлаар шалгаж, гэмт хэрэг үйлдсэн эсэхийг нотлох баримтаар гаргаж ирээгүй, бохир мөнгөний хэрэгт хэлсээр гүтгэлээ гэжээ. Их Британийн Гадаад хэргийн сайд Девид Ламми өнгөрсөн саруудад тус улс дахь гадаадын бохир мөнгөний эргэлтийг таслан зогсоох арга хэмжээ явуулж эхэлсэн бөгөөд компанит аяны хэрэгжилтийн үр дүн ийн гарч эхэлж байна гэж мэдэгдэв.