Осол болсон нефть боловсруулах үйлдвэр нь Италидаа томчуудын эгнээнд ордог “Эни” эрчим хүчний компанийн мэдлийнх аж. Флоренс хотод орших уг үйлдвэрт өчигдөр дэлбэрэлт болж, сураггүй болсон хүмүүсийг хайх ажиллагаа үргэлжилж байгаа гэж орон нутгийн албаныхан мэдээлэв. Мөн ослын улмаас шархадсан есөн хүнийг яаралтай эмнэлэгт хүргэснээр амь насыг нь аварч чаджээ. Харамсалтай явдлын дараа “Эни” компанийн удирдлага амиа алдсан болон хохирсон ажилтнуудынхаа ар гэрт эмгэнэл илэрхийлж, уучлалт гуйгаад дэлбэрэлтийн шалтгааныг тогтоохоор орон нутгийн мэргэжлийн байгууллагатай хамтран ажиллаж буйгаа хариуцлагатайгаар мэдэгдсэн байна. Харин орон нутгийн захиргаанаас даваа болон мягмар гарагийг нийтийн гашуудлын өдөр болгон зарлажээ.