Насанд хүрэгчдэд зориулсан видео үйлчилгээ үзүүлдэг Pornhub.com олон төрлийн шалтгаанаар оршихуйн хямралд ороод байна. Бага насны хүүхдийн зүй бичлэг, хууль бусаар мэдээлэл цуглуулсан, хяналт сул, хэрэглэгчдийн гомдол, зарга гээд цаг үргэлж маргааны сэдэв болж байдаг тус цахим хуудас өнөөдрийн байдлаар оших уу, эс орших уу дээрээ тулаад байгаа сурагтай.

Порнхабын зүгээс дээр дурдсан асуудлуудын заримыг шийдэх алхам хийсэн. Нью-Йорк Таймст гарсан нэгэн нийтлэлд бичсэнээр цахим хуудас оруулж буй бүх бичлэгийн цаадах хүн өөрийн жинхэнэ бичиг баримтаар баталгаажуулахаас гадна бичлэг дээр гарч буй хүн бүрийн зөвшөөрлийг авсан байх шаардлага тавьж эхэлсэн байна. Ингэснээр хэрэглэгчид болон насанд хүрэгчдийн видеонд оролцсон бүх хүний хувийн мэдээлэл ил тод байж, тухайн оролцогч насанд хүрсэн эсэхийг нь тодорхойлж, баталгаажуулж байх нарийн хяналтын шалгуур тавих болжээ. Мөн дээр нь порнхаб цахим хуудсын үйл ажиллагааг тайлагнах шилэн тайланг жил бүр гаргаж байхаар шийдвэрлэсэн гэв. Гэвч энэ шилэн үйл ажиллагаа нь цахим хуудасны үйл ажиллагааг тасалдахад хүргэж болзошгүй аж. Учир нь, насанд хүрэгчдийн видео үйлчилгээ үзүүлдэг цахим хуудасны хэрэглэгчид болон бичлэг оруулагчид хувийн мэдээллээ нуухыг эрхэмлэдэг учраас өөр цахим платформ ашиглахыг эрмэлзэж эхэлснэ. Хэдийгээр энэ нь аюулгүй байдал талаасаа сайн талтай ч гэлээ порнхабын хэрэглэгчид нүүр буруулж, улмаар үйл ажиллагаа нь зогсож, онлайнаас арчигдаж магадгүй юм гэж олон улсын аналистууд анхаарууллаа.