Энэ сард нээлтээ хийсэн кинонууд дотор Николь Кидман триллерээс авахуулаад Тимоти Шалмейн тоглосон Боб Диланы намтарчилсан бүтээл гээд шүүмжлэгчдээс өндөр үнэлгээ аваад буй олон кино бий. Тэдгээрээс хамгийн үзүүштэй 12 киног онцлоход:

Бийтльз ’64 / Beatles ‘64
АНУ даяар Битломаниад живсэн 1964 оны хоёрдугаар сард өрнөсөн үйл явдалын тухай өгүүлнэ. Английн алдарт дөрвөл хамтлагаараа Америк тивд анх удаа хөл тавьж, аялан тоглолт хийж, зурагт, радиогийн нэвтрүүлгүүдээр орж, олон зуун сая үзэгчдийн зүрхийг булиглуулж байлаа. Энэ сарын 29-нд Дисней+ сувгаар гарч эхэлнэ.

Эргэн ирсэн нь / The Return
Шиндлерийн бүртгэл, Англи өвчтөн, Харри Поттерийн цувралын Валдимортын дүрээрээ алдартай жүжигчин Ральф Финнес болон Жульетт Бинош нарын хамтарсан энэхүү бүтээлд дайн, тулаанаас үүдэлтэй сэтгэл санаа, бие махбодын шаналалын талаар харуулах туульсын драма юм. Өнгөрсөн долоо хоногоос гарч эхэлсэн.

Сайн хүн / Better Man
Английн алдарт Take That хамтлагийн дуучин Робби Уйлльяамсын амьдрал, замналыг намтарчлан үзүүлнэ. Энэ Зул сарын баяраар үзэгчдийн хүртээл болох нь.

Шөнийн өлөгчин / Nightbitch
“Чи намайг уучилж чадах уу?” нэртэй Рейчель Йодерийн романаас сэдэвлэн Шөнийн өлөгчин нэрээр хийсэн найруулагч Марьелл Хеллерийн уг кинонд жүжигчин Эми Адамс тоглож, гэртээ суудаг нярай хүүхэдтэй ээжийн амьдралын талаар хар бараанаар хошигнон харуулсан байна.

Монте Кристо гүн / The Count of Monte-Cristo
Александр Дюмагийн алдарт туурвил Монте Кристо гүний адал явдал цэнхэр дэлгэцнээ дахин амиллаа. Энэ сарын 20-нд нээлтээ хийнэ.

Анчин Кревен / Kraven the Hunter
Супер баатруудын тухай кино харьцангуй нам жим өнгөрсөн жил байлаа. Гэхдээ Марвелийн алдартай баатруудын нэг араатан Кревений адал явдал 12-нд та бүхний хүртээл болох гэж байна.

Рохирримийн дайн / The Lord of the Rings: The War of the Rohirrim
Алдарт Бөгжний эзэн цувралд гардаг домогт Рохирримийн дайныг хүүхэлдэйн зураглалаар үзэгчдийн хүртээл болгосон нь өнөөдөр сая, сая хүний хүлээлтийг үүсгээд байна. Уг бүтээл хоёрхон хоногийн дараа дэлгэцнээ гарч эхэлнэ.

Араатны хаан Муфаса / Mufasa: The Lion King
Араатны хаан арслан хүүхэлдэйн киноны салаа анги тун удахгүй үзэгчдийн хүртээл болох гэж байна. Симбагийн аав Муфасагийн адал явдалыг тун сонирхолтойгоор үзүүлэхээр энэ сарын 18-нд дэлгэцнээ гарч эхлэх юм байна.

Носферату / Nosferatu
Дэлхийн хамгийн анхны цус сорогчийн тухай кинонуудын нэг Носферату яг 100 жилийн өмнө гарч байлаа. Харин энэ сарын 25-нд эдүгээчилсэн хувилбар нь нээлтээ хийх гэж байна.

Тэр зул сараар / That Christmas
Жинхэнэ хайр киногоороо олон улсад алдаршсан зохиолч, найруулагч Ричард Куртисийн ээлжит нэгэн бүтээл, хэдхэн хоногийн өмнө нээлтээ хийсэн. Таалагддаг охиндоо сэтгэлээ илчилж чаддаггүй залуу хүүгийн тухай өгүүлэх нэгэн гэгээн хайрын тухай түүхийг шинэ оны өмнөхөн амтархан үзээрэй.

Танил бус / A Complete Unknown
Вилли Вонка, Манхан зэрэг гайхам кинонуудаар үзэгчдийн танил болсон жүжигчин Тимоти Шаламей алдарт Боб Диланы дүрд тохирох болов уу? Хариултыг нь та энэ сарын 25-нд нээлтээ хийх Боб Диланы намтарчилсан киноноос олж аваарай.