Traveltriangle.com – БНХАУ дэлхийн анхны замгүй галт тэрэг ашиглалтад оруулж, нийтийн тээврийн салбар шинэ түвшинд гарлаа. Техник, технологийн үсрэнгүй хөгжилд тооцогдож буй уг галт тэрэг Хунань мужийн Жужоу хотын иргэдэд үйлчилж эхэлсэн бөгөөд өргөн эсвэл нарийн царигийн алиныг нь ч ашигладаггүйгээрээ онцлогтой учир ирээдүйн хөгжлийн гол шийдэл болно гэж мэргэжилтнүүд сайшаааж байна. Эхний ээлжинд гурван тэрэгтэй явж эхэлсэн галт тэргийг удахгүй өргөтгөж таван тэрэгтэй холбохоор төлөвлөжээ.

Дэлхийн анхны замгүй галт тэрэг дараах онцлогуудтай:
• CRRC корпораци галт тэргэнд резинэн дугуйг ашигласан нь анхных
• Замгүй галт тэрэгний нийт ашиглах хугацаа 25 жил гэж тооцоолжээ
• Галт тэрэгний урт 32 метр, 300 хүний суудалтай
• 10 минут цэнэглээд 25 км зам туулах хүчин чадалтай
• Дээд хурд нь 70 км/цаг

Төмөр замгүй галт тэрэгэнд зориулан 3.75 метр өргөнтэй асфальтан зорчих хэсэг гаргаж өгчээ. Онцлог нь галт тэрэг зам дээрх цэгэн тэмдэглэгээг дагаж явах мэдрэгч төхөөрөмжөөр тоноглосон учир явган хүний зам болон бусад тэмдэг, тэмдэглэл, мэдээллийг таньж, өгөгдөл цуглуулах чадвартай. Гаднаасаа нийтийн автобусны сайжруулсан хувилбар эсвэл трамвайтай төстэй харагдах уг галт тэрэг хоёр талдаа зүтгүүртэй тул эцсийн буудал дээр буцаж эргэх хөдөлгөөн хийх шаардлагагүй гэнэ. Жужоу хотын удирдлага замгүй галт тэргийг хагас сарын өмнө туршилтаар явуулж, үр дүн сайн гарсан тул ийнхүү албан ёсоор нийтийн тээврийн шугаманд явуулж эхэлснээ зарлав.