АНУ-д үйл ажиллагаа явуулдаг Эмпауэр санхүүгийн үйлчилгээний компани нэгэн сонирхотой судалгаа явуулж, үр дүнг нь тайлагнажээ. Тэд энэхүү судалгаагаараа “Жинхэнэ аз жаргал гэж юу вэ? Амжилттай байх нь аз жаргалыг орлож чадах уу? Аз жаргалыг худалдан авч болох уу?” зэрэг философилог асуултанд хариулт хайсан аж. Ингээд судалгаанд оролцсон америкчуудын 59 хувь нь амжилтын хамгийн дээд хэмжүүр бол дуртай зүйлсээ худалдан авч чаддаг байх юм гэж хариулжээ. Өөрөөр хэлбэл, америкчууд асар их хөрөнгө мөнгө хураахаас илүүтэйгээр боломжийнхоо хэрээр аз жаргал худалдан авахыг эрхэмлэдэг болжээ гэсэн дүгнэлтийг судалгаа явуулагчид хийсэн байна.  

Судалгаанд оролцсон хүмүүсээс хамгийн ихээр үнэлж явдаг гурван төрлийн амжилтыг нэрлэнэ үү гэж асуусан байна. Хувийн хүсэл эрмэлзлэлээ хөөх чөлөөт цаг, биеийн эрүүл мэнд гэсэн хоёр сэдэв тус бүрдээ 35%-ийн санал авч жагсаалтын хоёрдугаарт бичигдсэн бол хөрөнгө мөнгө хураах нь амжилтын хамгийн дээд хэмжүүр гэж ердөө 27% нь хариуллаа. Түүнчлэн хөдөлмөрч зан, авьяас, танил танил, аз хийморь бол санхүүгийн амжилтанд хамгийн ихээр нөлөөлдөг хүчин зүйл гэж америкчууд тодорхойлжээ. Тэн хагас нь өөрсдийгөө санхүүгийн амжилтаар бусдаас тааруу яваа гэж дүгнэсэн байна. Бараг 60-аад хувь нь санхүүгийн амжилт гаргах нь үеийн үед улам л бэрх болсоор байгаа гэж зовлон тоочсон байх юм. Энэ хандлага нь милленниалуудын дунд хамгийн өндөр буюу 69%, бейби бүүмерүүдийн дунд хамгийн бага буюу 49%-тай ажиглагдав. Милленниал болон ЖенЗигийнхэн адил санхүүгийн амжилтанд хүрэх боломжийн тал дээр хамгийн өөдрөг хандлагатай нь харагдав. Судалгаанд оролцогчдоос амжилтанд хүрэхэд учирч буй саад бэрхшээлийг тодруулахад 35% нь эдийн засгийн төлөв байдал гэсэн бол 30% нь орлогын тогтворгүй байдал гэжээ. Бусад төрлийн амжилтын садаагаар санхүүгийн зорилгогүй байх, санхүүгийн төлөвлөгөөгөө хойшлуулах зэрэг шалтгаануудыг нэрлэжээ. Эмпауэрийнхэн уг судалгааг өнгөрсөн есдүгээр сард 18 ба түүнээс дээш насны 2,200 америкчуудын дунд явуулсан байна.