Өнгөрсөн сарын 24-нд болсон Румыны Ерөнхийлөгчийн сонгуулийн эхний шатны санал хураалтын үр дүнг хүлээн зөвшөөрөөгүй талын хүсэлтийн дагуу саналын хуудас дахин тоолж, баталгаажуулах шийдвэрийг тус улсын дээд шүүхийн бүрэлдэхүүн санал нэгтэйгээр гаргалаа. Гэвч энэ нь дараагийн хоёр шатны санал хураалтын өмнө ард түмний улсын институциудад итгэх итгэлийг сулруулна гэж эрх баригч намын ажиглагчид анхааруулав. Эхний шатны санал хураалтаар бие даан нэр дэвшигч Келин Жеоржеску 22.9%-ийн саналаар ялалт байгуулсан нь Европын холбоо, НАТО-гийн гишүүн оронд гайхан цочирдмоор үзэгдэл юм гэж ажиглагчид тэмдэглэж байна. Энэ ч утгаараа ганцхан хувийн санал авсан консерватив намаас нэр дэвшигч Кристиан Терхесийн шаардлагаар дээрх шийдвэрт хүрсэн гэж олон улсын хэвлэлүүд мэдээлж байна.

Дараагийн шатны санал хураалт энэ сарын 08-ны ням гарагт болно. Гэхдээ К.Жеоржеску дахин ялалт байгуулах магадлал өндөртэй. Учир нь, түүний сонгуулийн компанит аян сошиал медиа тэр дундаа ТикТокоор маш идэвхтэй өрнөсөн нь хилийн чанадад болон орон нутагт суугаа залуусын сэтгэлд хүрсэн гэж ажиглагчид дүгнэж байна.