АНУ-ын Ерөнхийлөгчийн ээлжит сонгууль өнөөдөр эхэлж, санал хураах байрууд ачаалалтай ажиллаж байна. Сонгогчид санал хураах байранд очихоос гадна шуудангаар саналаа явуулах боломжтой бөгөөд энэ жилийн тухайд 2020 оныхтой харьцуулахад багахан хувиар их хэмжээтэй санал ирснийг сонгуулийн албаны ажилчид тоолж байна.

CNN-ийн агентлагийн шууд дамжуулж буйгаар 12:00 цагийн байдлаар Ардчилсан намаас нэр дэвшигч Камала Харрис 46.5 сая сонгогчийн санал, сонгогчдын коллегийн 179 санал авсан байна. Хэрэв тэр сонгогчдын олонхын саналыг авч сонгогчдын коллегийн санал 270-д хүрвэл ялалт байгуулж, АНУ-ын анхны эмэгтэй Ерөнхийлөгч юм. Харин түүний өрсөлдөгч АНУ-ын 45 дахь Ерөнхийлөгч асан, нэр дэвшигч Дональд Трамп 52.7 сая сонгогчийн санал, сонгогчдын коллегийн 214 санал аваад байна.

Энэхүү сонгуулийн санал хураалт дууссанаас 24 цагийн дараа эцсийн үр дүн танилцуулж, АНУ-ын 47 дахь Ерөнхийлөгч хэн болсныг зарлах юм.

Дональд Трампын хувьд сонгуулийн компанит аяны хугацаанд амь насанд халдах оролдлого удаа дараа гарснаас гадна эд хөрөнгө, өмнөх сонгуулийн хууль эрхзүйтэй холбоотой хэргүүдийн улмаас олны анхаарлыг ихэд татсан нь өнөөдөр хэний ч таамаглаж байгаагүй амжилт үзүүлж байна гэж ажиглагчид дүгнэжээ.