“Оросын бүдүүн Леонардо” хэмээн алдаршсан 41 настай Роман Бурцев хэт таргалсны улмаас ажил олдохоо больж, амьжиргаагаа залгуулахын тулд Украинийн дайнд мордохоор шийджээ. Анх 2013 онд танилцах вебсайтад бүртгүүлж, Холливуудын алдарт жүжигчин Леонардо ДиКаприотой тун төстэй түүний зураг онлайнд шуугиан дэгдээснээр зар сурталчилгааны од болон гялалзаж, дэлгэцийн урлагт ч алдаршсан түүхтэй аж. Дэлхийн хамгийн сайхан залуусын нэг Леонардогоос найман насаар дүү ч 30кг-аар  илүү жинтэй түүнийг Европ болон Америкад танихгүй хүн бараг байдаггүй гэнэ. Гэтэл 2020 онд Ковид-19 цар тахлын улмаас ажил нь уналтанд орж, аав, ээжийндээ очиж амьдрахад хүрчээ. Цар тахлын үеийн хөл хорионы улмаас гэртээ суусаар улам таргалж, Леонардотой адил төрхөө алджээ. Дахин олны анхаарлыг татахаас гадна амьжиргаагаа залгуулах шаардлагатай тулгарсан тул Роман Бурцев цэрэгт элсэж, Украинийн фронт руу явахаар цэргийн эрдэмд суралцаж байгаа юм байна. Дайнд сайн дураар мордсон цэргүүдэд нэг удаад 20,000 доллар олгож, алба хаах хугацаандаа сар бүр 2,000 долларын цалин авдаг журамтай аж. Харин тулааны талбарт амиа алдвал ар гэрт нь 130,000 долларын нөхөн олговор олгоно.