Дэлхийн аялал жуулчлалын салбарт сүүлийн үед харчирхалтай үйл явдал өрнөх болоод байна. Жишээ нь, Хятадын кафенуудад тэжээвэр муурнууд “хоолны мөнгө”-өө олж, Европын зугаа цэнгэлийн төв гэдэг Прага хотод архичин жуулчдыг хөөх шийдвэр гаргасан бол Шинэ Зеландад нэгнээ алсад үдэн өгч буй хүмүүсийн тэврэлдэхийг хязгаарлаж эхэлсэн байна.

Тус улсын Дьюнединийн онгонцы нисэх буудалд “Удтал салах ёс хийх бол авто зогсоол дээр очно уу” гэсэн бичигтэй зорчигчид болоод тэднийг үдэн гаргагчдыг гурван минутаас дээш удаан тэврэлдэхгүй байхыг анхааруулсан тэмдэг хадсан нь олон улсын анхаарлыг татаж, басхүү нэг талаараа маргаан дэгдээв. Сошиал сүлжээ хэрэглэгчид уг шийдвэрийн туйлын гайхан хүлээн авч тэврэлдэхэд хориг тавьсанд дургүйцэж байгаа бол зарим нь онгоцны буудлын зорчигч суулгах, буулгах хэсгийн талбай үнэгүй байх нь буруу бөгөөд тодорхой төлбөр тавихыг нь зөв гэж дэмжсэн байр суурь илэрхийлж байна. Дьюнединийн онгоцны буудлын захирал Даньел Де Боно энэ асуудлын талаар Шинэ Зеландын РНЗ радиод дэлгэрэнгүй тайлбар хийсэн ярилцлага өгчээ. Түүний ярьснаар онгоцны буудал нь сэтгэл хамгийн ихээр хөдөлдөг талбай учир 20 секунд тэврэлдэхэд хайрын гормон гэгддэг окситоцин хангалттай хэмжээнд ялгардаг нь судалгаагаар батлагдсан тул зорчигчид болон үдэн аргагчид хэт удаан тэврэлдэн зогсох нь бусад үйлчлүүлэгчийн хөдөлгөөний хурдад саад учруулдаг аж. Тус онгоцны буудал нь ойрын ирээдүйд үйлчлүүлэгчдийн үйлчлүүлэх хугацааг төлбөртэй болгохоор төлөвлөж байгаа юм байна. Уг бодлого хэрэгжиж эхэлбэл тус онгоцны буудлаар үйлчлүүлэхэд эхний 15 минут нь үнэгүй байх зэргээр автомашины төлбөртэй зогсоолынхтой ижил журам баримтлах бололтой.