Германы зүүн хойд нутгийн Лийр хотод өчигдөр болсон хэдэн зуун жилийн улбаатай Галлимаркт наадмын үеэр баярт зориулан бэлтгэсэн сүнстэй галт тэрэг шатжээ. Хөл хөдөлгөөн ихтэй байсны улмаас сандралдсан хүмүүс шахцалдаан үүсгэж, 11 хүн түлэгдсэн харамсалтай хэрэг тохиолджээ. Хохирогчдын дундаас биеийн байдал маш хүнд гурван хүнийг яаралтай эмнэлэгт хүргэсэн байна. Цагдаагийнхан галын шалтгаан болон учирсан хохирлын хэмжээг тодорхойлохоор ажиллаж эхэлжээ. Лийр хотын албаныхан осол гараагүй бол ням гарагт зохион байгуулсан нарлаг өдрүүдийн баярыг үзэж сонирхохоор хагас ая зочин ирнэ гэж төлөвлөж байсан байна. Галлимаркт нь дундад зууны үед үхрийн зах байсан бөгөөд 1508 оноос нарлаг өдрүүдийн баярыг тэмдэглэдэг уламжлал тогтжээ. Жил бүр болдог наадмын үеэр томоохон 19 тоглоомын талбай байгуулж, 250 гаруй лангуу нээж, арилжаа худалдаа хийдэг байна.