Тус улсын Жабу хотын иргэн 14 настай Атиак Дау Риак гэх охин өнгөрсөн тавдугаар сарын дундуур интернетийн гол дуулиан болж байжээ. Учир нь, тэрбээр дэлхийн хамгийн өндөр үнээр хадамд гарсан өсвөр насны охин болсон юм. Онлайнаар явж буй мэдээллээс харахад охин 213 см өндөртэй, туйлын гоо үзэсгэлэнтэй гэнэ. Түүнийг ойролцоох хоёр тосгоны хархүү гэрлэхийг гуйсан бөгөөд нэг нь 105 тоолгой үхэр, Өмнөд Суданы 65 сая фунт санал болгожээ. Уг мөнгийг долларт хөрвүүлбэл 20,000 ам.доллар болно. Харин хоёр дахь хархүүгийн тавьсан инжний хэмжээг нууцалж байсан ч хожим дам яриагаар 350 толгой үхэр, дээр нь Тоёотагийн V6 хөдөлгүүртэй үнэтэй машин, бас ар гэрийнхэнд нь дөрвөн унтлагын өрөө бүхий байшин бэлэглэе гэсэн гэнэ. Өмнөд Суданы динкачуудын ёс заншлаар үзэсгэлэн гоо төгөлдөр эмэгтэйчүүдийг гар таталгүй үнэ хаялцаж худалдаж авч эхнэрээ болгодог аж. Сонирхуулахад, дэлхий даяар насанд хүрээгүй охидыг гэрлүүлэхийг хуулиар хориглодог ч жил бүр 18-аас доош насны 12 сая охин нөхөрт гардаг байна.