Хүн төрөлхтний түүхэнд хэзээд үл мартагдах суут хөгжмийн зохиолч, сонгодог хөгжмийн гол төлөөллийн нэг Вольфанг Амадей Моцартын цоо шинэ бүтээл олджээ. Тэрээр 1791 онд нас барснаас хойш буюу 233 жилийн дараа шинэ бүтээл нь олны хүртээл болох гэж байгаа юм. Германы Лепциг хотын номын сангаас олдсон уг шинэ бүтээл нь суут хөгжимчний өсвөр насандаа бичсэн бүтээл байх магадлалтай гэж судлаачид таамаг дэвшүүлжээ. Хөгжим судлаачид Моцартын бүтээлийн архив “Köchel” каталогийн сүүлийн хэвлэлийг засварлаж, судалгаа хийж байхдаа уг шинэ бүтээлийг олсон байна. Чавхдаст хөгжмийн гурвалд зориулсан эл бүтээл 1760 оны дунд үед хамаарах ба нийт 12 минут үргэлжлэх аж. Судлаачдын дүгнэснээр цагаан цаасан дээрх хар хүрэн бүхээр бичсэн уг бүтээл нь зохиолчийн гар бичмэл бус 1780-аад онд хийсэн хуулбар гэнэ. Австрийн Сальцбург хотод болсон “Köchel” каталогийн шинэ хэвлэлийн нээлтэд зориулан “Ахар шөнийн аялгуу” нэртэй танилцуулан анх удаа олны хүртээл болгосон бол ирэх бямба гарагт Лепциг хотын Дуурийн ордонд дахин тоглох гэж байгаа юм байна.