Кино үзвэрийн үйлчилгээ үзүүлдэг дэлхийд алдартай НВО сувгаас гаргасан цоо шинэхэн цуврал Пенгвиний эхний анги үзэгчдэд хүрээд эхний долоо хоногтоо шинэ амжилт тогтоолоо. “The Last of Us” цуврал 2023 оны нэгдүгээр сард үзэгчдэд хүрснээс хойш дэлхий даяар хамгийн олон хүн үзсэн цувралаар DC Comics-ийн хорон санаатны дүргээс санаа аван хийсэн ийнхүү Пенгвин тодорчээ. НВО-гийн төлбөртэй платформ Мах-аар гарсан эхний ангийг сүүлийн дөрөв хоногт 5.3 сая хүн үзсэн байна. Жүжигчин Коллин Фаррелл, Кристин Милиоти нарын тоглосон уг цуврал өмнөх хит болох 4.9 хүн үзсэн “Succession”, 4.1 сая хүн үзсэн “The White Lotus” зэрэг цувралын урд бичигдэж эхэллээ. Гэхдээ түүхэнд нээлтээ хийсэн хэний долоо хоногтоо хамгийн олон хүн үзсэн цувралаар “True Detective: Night Country”-ийн дөрөвдүгээр улирлын эхний анги хэвээр үлдлээ. Уг цувралын эхний ангийг 5.7 сая хүн үзсэн аж. Пенгвин цувралын энэ шинэ амжилтыг дагаад НВО Мах-ын “The Batman” киног үзсэн тоо өсөж, 3.5 саяд хүрчээ.