Сүүлийн жилүүдэд хиймэл оюун ухааны хөгжил эрчийг авч хүн төрөлхтний хөдөлмөрийг хөнгөвчилдөг болсон. Мөн түүний сацуу олон төрлийн хиймэл оюун ухаан хэрэглээнд нэвтэрсэн нь энэ салбарын өрсөлдөөнийг улам л хурцалж өгч байгаа билээ.
Зураг, дүрс шинээр үүсгэх, эссэ, уран зохиол, яруу найраг хүртэл бичиж чаддаг болсон хиймэл оюун ухааны анхдагч гэж болохуйц ChatGPТ нэгэн гайхалтай зүйлээр олны анхаарлыг татлаа. Учир нь юу гэвэл Арабын Эмиратын Дубай хотод үйл ажиллагаа явуулдаг Додо Пицца нэртэй сүлжээ зоогийн газар ChatGPT-ийг ашиглан гаргаж авсан жорын пиццаг цэсэндээ нэмсэн нь талх шиг шожигнотол зарагдаж байгаад юм. Сүлжээ зоогийн газрын цэс боловсруулах хэлтсийн дарга Спартак Арутюнян Дубайд амьдардаг олон янзын соёлтой хүмүүсийн хэн нь ч хүссэнээрээ идэж болох пиццаны жор гарган авахын тулд ChatGPT-г ашиглажээ.

Хит болж буй пиццаны талаар мэдээлсэн ВВС агентлаг хиймэл оюун ухааны бүтээсэн жорыг бүтнээр нь танилцуулаагүй ч шаварма тахиа, энэтхэг утсан панир бяслаг, Ойрх Дорнодын затар өвс, тахины бяслаг зэрэг ордог гэв.

Дубай хотод энэтхэг, пакистан, филиппин, араб, европ гээд газар бүрээс ирсэн хүмүүс амьдардаг тул соёлын солилцоог төлөөлсөн пицца гаргаж авах шаардлагатай байсан. Эцсин бүтээгдэхүүн маань христ, лал, будда гээд бүхий л шашин шүтлэгтэй хүмүүсийн таашаалд нийцэж эрэлттэй бүтээгдэхүүн болсон гэж С.Арутюнян тайлбарлажээ.