Сүүлийн үед манай улсын иргэдийн ихээр зорчих болсон Тайланд улс аялал жуулчлалын бодлогодоо шинэчлэлт хийж, тус улсад аялах, удаан хугацаагаар зугаалах нөхцлийг хөнгөвчилжээ. Ингэснээр Тайланд улс нь манай гарагийн аялж, зугаалахад хамгийн хялбар нөхцөлтэй орон болж магадгүй гэж CNN мэдээллээ. Аялал, жуучллалын төсөв хямд гэгддэг Фукет арлын боломжийн үнэтэй тансаг зэрэглэлийн орд харшиж байрлангаа өдөр бүр Андаманы тэнгисийн үзэсгэлэнг харж суух боломж гадаадын жуулчдад илүү нээлттэй болж байна. Үүний тулд гэрээт ажилчид болон удаан хугацаагаар тус улсад байрлах сонирхолтой иргэдэд зориулсан таван жилийн хугацаатай визийг гаргахаар болсон аж. Тайландын Ерөнхий сайдын ажлын албанаас гаргасан мэдээллээс үзэхэд дээрх визийг авснаар таван жилийн хугацаанд нэг удаа хилээр нэвтрэхдээ 180 хоног хүртэл хугацаагаар байрлах, ингэхдээ олон дахин орж гарах эрхтэй. Гол нь сая дурдсан нэг удаа нэвтрэхдээ 180 хүртэл хоногоор байрлахдаа заасан хугацааг хэтрүүлж болохгүй. Эс бөгөөс таван жилийн визийг цуцлах арга хэмжээ авах гэнэ.