Варшаваас Тель-Авив орохоос нисэж, явсан Израиль Эйрлайнсын онгоц замдаа Туркийн Анталья хотод ослын буулт хийжээ. Шалтгаан нь нислэгийн зорчигчдод эмнэлгийн үйлчилгээ шаардлагатай болсон гэж өчигдөр/2024.06.30/ холбогдох албаныхан мэдээлсэн байна. Гэтэл LY5102 дугаартай онгоцыг буцаж хөөрөхөөс өмнө шатахуун цэнэглэх хүсэлт тавьсан ч Антальягийн нисэх буудлын удирдлагууд татгалзан хариу өгсөн нь шүүмжлэл дагууллаа. Хэдийгээр эмнэлгийн туслалцаа авахаар газардсан боловч тус нисэх буудлын удирдлагуудаас гадна энгийн ажилчид нь ч хүртэл шатахуун цэнэглэхээс татгалзсан учир зорчигчдыг нүүлгэн шилжүүлэхэд хүрсэн аж. Түүний дараагаар онгоц Грекийн Родез орж, шатахуунаа цэнэглээд Израиль руу буцсан гэж ВВС агентлаг дамжууллаа. Туркийн дипломат эх сурвалжийн тайлбарласнаас үзэхэд хүмүүнлэгийн үүднээс манай талаас шатахуун олгосон боловч шатахуун цэнэглэхийн өмнө онгоцны ахмад дур мэдэн хөөрсөн гэжээ. Харин Израйлийн Гадаад хэргийн яамнаас Туркийн тал дээрх мэдээлэл үнэн бөгөөд онгоц зогсох хугацаандаа хөдөлгүүрээ ажилуулж, зорчигчдын ая тухыг хангахын тулд агааржуулагчаа тогтмол ажиллуулж байсан тул шатахуун ихээр зарцуулж, дахин цэнэглэх боломжгүй болсон гэж тайлбар ирүүлсэн хэмээн Хебрью медия мэдээлжээ. Гэхдээ зарим эх сурвалжийн тайлбарлаж буйгаар Израиль Турк улсад импортын бараа нийлүүлдгээрээ тавдугаарт ордог боловч Иазраиль, Палестинийн зөрчилтэй харилцааны улмаас дээрх хүндрэлтэй байдал үүссэн байж болзошгүй гэж таамаглаж буй аж.