Гоо үзэсгэлэнгээрээ алдартай Диана гүнжийг 1997 онд нас барсны дараа түүний 15 настай хүү Виллиам, 12 настай хүү Харри нар өв залгамжлагч нь болсон. Тухайн үед 13 сая фунт стерлингийн үнэ бүхий үнэт эдлэл, үл хөдлөх хөрөнгө, хувцас хунар, хадагаламжин дахь мөнгө өвлөн авсан гэдэг. Дээр нь Диана гүнжийн нөхөр Чарльз хаанаас салах үедээ авсан нөхөн төлбөр болох 17 сая фунт стерлинг, нэр дээрээ эзэмшдэг хувьцаа ч бий. Гэхдээ тэд ээжийнхээ үлдээсэн нэгэн чухал хөрөнгийг өвлөн авч чадахааргүй болсон байна. Диана гүнжийн төрж, өссөн гэр бөгөөд хожим шарилыг нь нутаглуулсан Альторп эдлэнг өнөөдрийн байдлаар түүний ах Ээрл Чарльз Спенсер эзэмшдэг. Түүнийг нас барсны дараа хүү Луйз Спенсер буюу Виллиам, Харри нарын үеэл эзэмшихээр гэрээслэгдсэн байна.