Бэлгийн хүчирхийллийн хэрэгт холбогдож, 2017 оноос хойш нэг ч кинонд тоглолгүй жүжигчний замналаа дуусгасан алдартай жүжигчин Кевин Спейси хэвлэлд ярилцлага өгчээ. Өдгөө 64 настай тэрбээр телевизийн алдарт хөтлөгч Пирс Морганы ярилцлагын нэвтрүүлгээр орж, “өнгөрсөн хугацаанд би хэтэрхий давруу, ёс бус, жудаггүй байжээ” хэмээн харамсангуй ярив. Мөн тэрбээр хэрэгт холбогдож, алдартны замналаа дуусгаснаас хойш хүмүүстэй эелдэг харьцаж, ёс бус үг хэрэглэлгүй, янз бүрийн үйлдэл хийхээс сэргийлэн биеэ татаж, засрахыг хичээж яваа хэмээсэн байна.

“Америк гоо үзэсгэлэн” УСК, “Хөзрөн байшин” гэх улс төрийн сэдэвтэй олон ангит киногоор нь үзэгчдийн сайн мэдэх К.Спейси ижил хүйстнээ сонирхогч гэдгээ хүлээн зөвшөөрсөн бөгөөд 2001-ээс 2013 оны хооронд дөрвөн эрэгтэйд бэлгийн хүчирхийлэл үйлдсэн хэргээр шүүхийн хаалга татсан ч өнгөрсөн жил Лондоны шүүхээс түүнийг гэм буруугүйд тооцсон бол АНУ-ын шүүх 2022 онд дээрх хэргийг хэрэгсэхгүй болгож байлаа.