ДЭМБ-ээс Мексик нас барсан нэг хүний үхлийн шалтгаан нь A(H5N2) гэх дэд бүлгийн шувууны ханиад болохыг лабораторийн шинжилгээгээр баталсан талаар мэдээлэв. Энэ нь Мексикт бүртгэгдсэн Н5 вирус хүнд халдварласан анхны тохиолдол юм байна. Мехико мужийн 59 настай иргэн Мехико хотын төв эмнэлэгт хэвтэн эмчлүүлж байхдаа өндөр халуурах, амьсгаа давчдах, суулгах, дотор муухайрах гэх зэрэг олон янзын хурц шинж тэмдэгтэй шаналсаар өнгөрсөн дөрөвдүгээр сарын 24-нд нас баржээ. Онош нь тодорхойгүй байсан тул эмч нар лабораторид нарийн шинжилгээ хийсний эцэст дээрх хариу гарсан. Гол нь вирусын гарал үүсэл одоо ч тодорхойгүй тул ард иргэд сонор сэрэмжтэй байж, эрүүл ахуйн дэглэм сахихыг Дэлхийн эрүүл мэндийн байгууллагаас анхааруулж байна. Нас барсан өвчтөн шувуу, ан амьтантай харьцсан тохиолдол байхгүй гэдэг нь эмч, мэргэжилтнүүдийг мухардалд оруулжээ. Гэхдээ өвчтөн хурц шинж тэмдэг илрэхээс өмнө эрүүл мэндийн шалтгаанаар 20 гаруй хоног хэвтэрт байсан гэнэ.