Хамгийн өндөр насандаа буюу 73 нас 286 хоногтойгоо Английн хаан ширээнд заларсан III Чарьлзын зурагтай мөнгөн тэмдэгтийг өчигдөр албан ёсоор гүйлгээнд нэвтрүүлсэн байна. Английн банкнаас гаргасан мэдээллээс үзэхэд Чарльз бол өмнөх хатан хаан II Элизабетийн дараа тус банкнаас гаргасан банкны тэмдэгт дээр хөргөө мөнхөлсөн хоёр дахь хүн юм байна. Мөн Английн банк мөнгөн тэмдэгт дээрх хөргийг сольсон анхны тохиолдол аж. Чарьлз хааны хөрөг 5, 10, 20, 50 фунтын дэвстгэрт дээр гарчээ. Харин бусад дизайны тухайд ямар нэгэн өөрчлөлтгүй II Элизабет хатан хааны үеийнхтэй яг ижил хэвээр үлдэж байгаа юм байна.

Гэхдээ Чарльз хааны хөрөгтэй мөнгөн тэмдэгт одоогийн байдлаар Их Британи даяар гүйлгээнд ороогүй. Ойрын хугацаанд улсын бүх нутагт дэвсэгт нийлүүлэх төлөвлөгөөтэй ажиллаж байгаа гэнэ. Чарльз хааныг шүтэн бишрэгчид заасан богино хугацаанд амжиж Английн банкаар дамжуулан хуучин тэмдэгтээ шинээр солиулах журамтай. Харин цувралын дугаар нь ижилссэн, азын, хосолсон цифртэй мөнгөн тэмдэгтүүдийг Spink & Son-ий зуны дуудлага худалдаагаар оруулж, худалдахаар бэлтгэж байгаа юм байна. Сонирхуулахад, Их Британийн иргэдийн 19 хувь нь л бэлэн мөнгө ашигладаг бол үлдсэн 81 хувь цахим карт ашигладаг аж.