Бээжин энэ оны төгсгөл гэхэд хоёр аварга пандаг Вашингтоны Үндэсний амьтны хүрээлэнд буцааж өгөх болсон талаар АНУ-ын Тэргүүн хатагтай Жилл Байден болон албаныхан мэдэгдсэнээр тус хоёр их гүрний дунд панда дипломатын шинэ эрин эхэлж буйг зарлалаа. “Хол, ойрын гэлтгүй манай орны хүүхэд багачууд сэтгэл татам, өхөөрдөм аварга пандаг дахин Үндэсний амьтны хүрээлэнд очиж, үзэх боломжтой болох гэж буй нь туйлын баярт явдал юм” хэмээн Тэргүүн хатагтай Х-дээ нийтэлжээ. БНХАУ-ын талаас Бао Ли, Чин Бао гэх хос панда нь арваас доош насных, үржлийн идэвхтэй үедээ яваа амьтдыг илгээх болсон нь түүхэн шийдвэр бөгөөд судалгааны гол хэрэглэгдэхүүн болж, Бээжинтэй хамтын ажиллагааны шинэ шатанд гарах эхлэл боллоо гэж албаныхан цохон тэмдэглэсэн байна. Хятадын тал харилцаа нь муудсан аливаа улсад найр тавьж, эргэн нөхөрсөг харилцах хүслээ илэрхийлж, үндэсний бэлгэдэл болсон пандаг бэлэглэдэг уламжлалтай бөгөөд үүнийг дэлхийн улс төрийн түүхэнд “Панда дипломат арга” хэмээн нэрийддэг юм.