Эртний Египетийн түүхийн хамгийн алдартай фараоны нэг II Рамзесийн саркофагус буюу чулуун авсыг олсон ч хараахан түүнийх мөн гэж баталж чадаагүй байсан юм. Эрдэмтэд саяхан нэгэн чулуун хэлтэрхий олсноор дээрх удтал хайсан асуултынхаа хариултыг олж чадсан байна. Археологичид анх 2009 онд эртний Египетийн зүүн нутгийн төв Абидос хотын нэгэн сүмийн балгас дороос боржин чулуун авсны хэлтэрхийг олсон байжээ. Эйман Дамрани, Кевин Кахайл нарын ахалсан археологичдын баг өөр, өөр цаг үед хоёр хүнийг оршоосон чулуун авсны хэлтэрхийн дээрх бүдэг дүрс үсгийг судалж, 3000 жилийн өмнө амьдарч байсан 21-р хаант улсын үеийн дээд санваартын Менхеперийнх болохыг Францын Эрдэм шинжилгээний судалгааны үндэсний төвтэй хамтран хийсэн орчуулгаар тогтоосон байна. Авсны хэлтэрхийнд бичсэн дүрс бичгээс үзэхэд санваартан Менхеперээс өмнө II Рамзис хааныг уг чулуун авсанд оршуулсан байсныг тодорхой болгосон гэв. Дүрс үсгийг нарийвчлан тайлбарлавал “II Рамзис” гэх нэрийг маш тодорхой бичиж үлдээжээ. II Рамзис хаан нь 19-р хаант улсын гурав дахь захирагч байсан бөгөөд МЭӨ1279 оноос МЭӨ1213 онд захирсан түүхтэй. Алдарт Фараоны муммийг анх 1881 онд маш нууцлагдмал байдалтай олсон боловч чулуун авсных нь байрлал өнөөг хүртэл тодорхойгүй байсан юм. Тухайн үед II Рамзисаас гадна түүний эцэг тэргүүтэй 50 гаруй язгууртны булшны хамт илэрч байжээ.