“British Medical Journal” болон “Nature Communications” сэтгүүлд нийтлэгдсэн Францын хоёр судалгаагаар хадгалах хугацааг уртасгахад ашигладаг нийтлэг хүнсний хадгалалтын бодисууд нь хэд хэдэн хорт хавдар, 2-р хэлбэрийн чихрийн шижин өвчний эрсдэлийг нэмэгдүүлдэг болохыг тогтоожээ. Судлаачид 170,000 гаруй насанд хүрэгчдийн хоолны дэглэм, эрүүл мэндийн мэдээллийг хянаж, өвчний эрсдэлийг нэмэгдүүлдэг тодорхой нэмэлтүүдийг тодорхойлсон байна.

"Universite Sorbonne Paris Cite"-ийн хийсэн судалгаагаар британичуудын хоол хүнсэнд хэт боловсруулагдсан хүнсний бүтээгдэхүүн хэр их хэмжээгээр эзэлж байгааг судалжээ. Энэхүү судалгаанд нийт 105,000 орчим насанд хүрэгчид оролцсон байна. Хэт боловсруулсан хүнсний бүтээгдэхүүнүүд нь их хэмжээний сахар, давс, өөх тос агуулдаг. Хийжүүлсэн ундаанууд нь их хэмжээний элсэн чихэр, ялангуяа хорт хавдар үүсгэх эрсдэлтэй, боловсруулсан элсэн чихэр агуулдаг. Зарим төрлийн шоколадыг ч мөн хэт боловсруулсан хүнсэнд тооцдог байна.