Гадуураа үстэй, зургаан хөлтэй айл бүрийн гэрт хамтран амьдардаг, яаж хичээгээд устгаж дийлдэггүй нэг амьтан бий. Тэдгээр жоом гэгч нь дотор орчинд амьдрахдаа мэргэжилтэн, гал зуухны шугам хоолой, хөгцөрсөн шүүгээнд ч хоргодочихож чаддаг. Гэхдээ жоом анх тийм амьтан байгаагүй гэнэ. Ген судлалын шинэ судалгаанаас харахад жоом Зүүнөмнөд Азиас эхлээд Европ тэгээд бүр цаашаа дэлхий даяар тархсан нь тун энгийн эхлэлтэй аж. Хэдэн мянган жилийн тэртээгээс энэ жоомны аяллын түүх нь хүн хэмээх нэгэн төрлийн амьтнаар унаа хийн өнөөгийн дэлхийн өнцөг булан бүрд хүрчээ. “Энэ бол ердөө эртний түүх биш.  Харин шавж хийгээд хүний намтар юм” гэж Бэйлорын анагаахын коллежийн туслах профессор, шавжны ген судлаач Стефен Ричардс ярилаа. Судлаачид зургаан тив, 17 улсын 280 төрлийн жоомны генийг судалж үзжээ. Ингэхэд дэлхий даяар тархсан Герман жоом чухамдаа зүүнөмнөд Азиас гаралтайг баталж, Азийн жоом 2100 жилийн өмнөөс хувьссаныг тогтоосон байна. Эрдэмтэд олон жилийн өмнөөс Герман жоомны өвөг дээдэс Азид амьдарсаар байгаа гэж таамаглаж ирсэн аж. Жоомны үүсэг гарал, тархацын талаарх генийн судалгааг хийсэн судлаачид судалгааны тайлан болох нийтлэлээ Шинжлэх ухааны үндэсний академийн ажил хэмээх сэтгүүлд нийтлүүлжээ. Жоом үндсэн хоёр замаар дэлхий даяар тархсан байна. 1200 орчим жилийн өмнө баруунаас Ойрх Дорнод руу тархахдаа цэргүүдийн талхны сагсанд нууцаар дайгдан очсон бололтой. Эрдэмтдийн нөхөн сэргээсэн эд өлгийн зүйлс болон түүхэн тэмдэглэлээс үзэхэд Нидерланд, Британийн Ийст Индиа компанийн худалдааны замаар дамжин 270 жилийн өмнө Европт руу цагаачилсан нь гарцаагүй. Ингэж Европт хүрсэн жоомнууд уурын хөдөлгүүр, сан техникийн шугам зэргээр дамжин улам цаашаа аялж, хүний амьдрал ая тавтай болохын хэрээр улам үржиж, газар авсаар өнөөдөр жоомгүй улс гэж дэлхий дээр байхаа больсон түүхтэй. Судлаачид жоомны тархацыг судалснаар орчин цагт шавж, элдэв төрлийн хорхойнуудын тархац, олшрох явдалыг зогсоож чадна гэж үзэж байна. Орчин үеийн жоомны цар хүрээг хянах боломжгүй, учир нь жоом бол маш хурдан хувьсаж, төрөл бүрийн шавжны хоронд тэсвэртэй болж байгаа гэж Харвардын их сургуулийн судлаач, доктор Чиан Тан ярив. Судалгааны үр дүнгээс харахад жоом гэдэг амьтан саяхныг болтол зөвхөн Азийн орнуудад л амьдардаг байжээ.