Олон улсын эрчим хүчний агентлаг (IEA) дизель түлшний нийлүүлэлтийн хомсдол 2027 онд үргэлжилж болзошгүйг анхааруулжээ. ​​Үүнд улирлын бус үеийн нөөцийн бууралт, үйлдвэрлэлийн хязгаарлагдмал байдал болон өвлийн улирлын эрэлтийн оргил үе давхцаж байгаа нь нөлөөлж байна.

АНУ-ын Эрчим хүчний мэдээллийн агентлагийн (EIA) мэдээллээр, тус улсад авто замын тээвэрт ашиглах дизель түлшний дундаж үнэ хоёр долоо хоног дараалан буурч, нэг галлон нь 6.179 ам.доллар болжээ. Есдүгээр сарын 28-нд 6.382 ам.доллар байсан үнэ хоёр центээр буурсан нь тээвэрлэгчдийн хувьд төдийлөн дорвитой хөнгөлөлт болж чадахгүй байна.

IEA-ийн мэдээлснээр, АНУ-д авто замын тээврийн дизель түлшний үнэ өнгөрсөн жилийнхээс нэг галлон тутамдаа 2.50 гаруй ам.доллароор өндөр хэвээр байгаа бөгөөд Ирантай холбоотой дайны үйл явдлуудын улмаас газрын тос боловсруулах хүчин чадал эрс буурсны дараа есдүгээр сард боловсруулалтын ашиг (refining margin) нэг баррель тутамд бараг 95 ам.долларт хүрч, дээд амжилт тогтоожээ.  Дизель түлш 2021 оны эхний улиралд нэг галлон түлшний дундаж үнэ 2.91 ам.доллар байсан бол энэ есдүгээр сард 6.53 ам.доллар болж өсөөд байна.