Богино хэмжээний видеонууд үзэгчдийн дунд өндөр нэр хүндтэй байгааг зохицуулагчид онцолж байгаа бөгөөд энэ төрлийн контентыг үзэгчдийн бүртгэлтэй хаягийн тоо одоо 800 саяас давжээ. Өнгөрсөн жил богино хэмжээний видеоны зах зээлийн хэмжээ 100 тэрбум юань (14.9 тэрбум ам.доллар)-аас давсан байна. Хиймэл оюун ухааны технологийг ашиглах нь илэрхийлэлийн шинэ хэлбэрийг авчирч, продюсеруудын зардлыг бууруулж, үр ашгийг нэмэгдүүлэхэд тусалдаг. Гэсэн хэдий ч энэхүү технологи нь контентын чанарыг удирдах, хууль ёсны эрх, ашиг сонирхлыг хамгаалахад шинэ сорилт бий болгож байгаа юм.

Технологийн мэдээллийн “IT Home” вэбсайт богино хэмжээний кино үйлдвэрлэлийн салбар одоогоор ширүүн үнийн дайн, зах зээлийг цэвэрлэх үйл явцад орж байгаа талаар мэдээлжээ. Өнгөрсөн сарын 31-нд Хунань телевиз болон Манго телевизийн платформ хамтран "Баруун зүг рүү аялах үргэлжлэл" киног цацсан нь хиймэл оюун ухаан ашиглан хийсэн бүрэн хэмжээний киноны эрин үеийг тэмдэглэж байна. Энэ цуврал 30 ангийнхаа тавыг цацаж, бараг 300 сая онлайн үзэлтийг давсан байна.