Владимир Путин Украинтай хийж буй дайнаа өргөжүүлж, Европ дахь Киевийн холбоотнууд руу чиглэсэн халдлагаа эрчимжүүлэхээр бэлтгэж байгаа тухай “The Telegraph” мэдээлжээ. Өрнөдийн тагнуулын албаныхны үзэж буйгаар, Оросын удирдагч энэ амралтын өдрүүдэд болсон сонгуулийн дараа олон мянган хүнийг цэрэгт татах боломжтой "нууц дайчилгаа"-ны бэлтгэл ажлыг хангаж байгаа аж.

Европын удирдагчид Кремлийн зүгээс Өрнөдийн эсрэг явуулж буй эрлийз дайн (hybrid war) улам ширүүсэж болзошгүйг анхааруулж байна. Хэрэв Путин цэргийн дайчилгаа зарлавал түүний зорилго нь Украины нэгэн адил Европ руу чиглэж болзошгүй бөгөөд ингэснээр тэрбээр НАТО-той хиллэдэг Оросын баруун хил дагуух шинэ баазуудад цэргээ байршуулах боломжтой болох юм. Баасан гарагт Францын Ерөнхийлөгч Эммануэль Макрон улсынхаа чухал дэд бүтэц, батлан ​​хамгаалахын үйлдвэрүүдийг болзошгүй хорлон сүйтгэх ажиллагаанаас хамгаалах төлөвлөгөө боловсруулахыг албаныхандаа үүрэг болгожээ.

Украины Ерөнхийлөгч Владимир Зеленский өмнө нь ОХУ нэмэлтээр 300 мянган цэрэг дайчлахаар төлөвлөж байна гэж тагнуулын албаныхан нь үзэж буйг мэдэгдэж байсан. Барууны орнуудын тагнуулын албаныхан ОХУ-д 300 мянган шинэ цэргийг байлдааны талбар руу илгээхэд шаардлагатай техник хэрэгсэл байгаа эсэхэд эргэлзэж, олон нийтийг хамарсан томоохон хэмжээний дайчилгаа явуулах магадлал бага гэж үзэж байна.

Кремлийн албаныхны дунд ч мөн олон нийтийг хамарсан дайчилгаа зарлагдаж болзошгүй гэсэн болгоомжлол байгааг "Bloomberg" баасан гарагт мэдээлжээ.

ОХУ-аас Европт учрах аюул заналхийлэл нэмэгдэж буй талаар ярихдаа Ерөнхийлөгч Макрон "Сүүлийн долоо хоногуудад европчууд болон Франц улсын эсрэг чиглэсэн Оросын аюул заналхийлэл эрчимжлээ. Үүний зорилго нь биднийг айлган сүрдүүлж, Украиныг дэмжих бидний хүчин чармайлтыг таслан зогсоох явдал юм.

Гэвч үр дүн нь үүний яг эсрэгээр байх болно. Бид өнөөдөр болон маргаашийн аюулгүй байдал маань Украинд эрсдэлд орсныг мэдэж байгаа тул айгаагүй" гэжээ. Оросын Гадаад хэргийн яам Москва дахь Их Британийн төлөөлөгчийн газрын орлогч дарга Данае Долакияг дуудаж, дөрвөн жилийн өмнө Путиний довтолгооноос үүдэлтэй дайнд Их Британи Украиныг дэмжиж байгаа талаар гомдол гаргасан байна. Их Британи энэ сард энэ өвөл Украины агаарын довтолгооноос хамгаалах чадавхийг бэхжүүлэх, түүний дотор Патриот пуужингийн тусламжтайгаар 100 сая фунт стерлинг зарцуулахаа мэдэгдсэн.

Баасан гарагт Трамп мөн Өмнөд Каролинагийн талийгаач сенатор Линдси О. Грэмийн саначилсан 2026 оны Орос, Иранд хориг тавих тухай хуульд гарын үсэг зурсан.