Улс төр ,Засгийн газар

Н.Учрал: Хэн нэгний бэлтгэсэн эксел файлаар гүтгэж байна

59 мин өмнө
Ерөнхий сайд Н.Учрал “Их засаг кинг” сургуультай холбоотой 3.5 тэрбум төгрөгийн асуудлаар өөрийгөө АТГ-д шалгуулахаар хандлаа. Тэрбээр энэ үеэр “УИХ-аар 2026 оны төсвийн тодотголыг хэлэлцэж байна. Төсвийн тодотголтой холбоотойгоор улстөржилт өрнөж байна. Манай ард иргэд намайг мэднэ, нуух хаах зүйл байхгүй. Нээлттэй ил тод байх зармын үүднээс мэдээллийг нягтлах хүсэлтийг АТГ-т гаргалаа.

Үнэн мөнийг тогтоох байх. Манай гэр бүлийн зүгээс төсвөөс санхүүжилт шийдүүлэхээр ямар нэг хүсэлт өгөөгүй, сайд нарын хувьд бие биедээ төсөв хуваарилах асуудал яригдаагүй. Төсөвт зардлууд нэгд, нэгэнгүй байдаг. Жагсаалт болгоноор нь УИХ хэлэлцдэг. Төсвийн хуульд байхгүй асуудлаар хүнийг гүтгэж, харлуулах, үүний цаана хоосон улстөржилт төсвийг унагаах гэсэн үйлдлүүд байх шиг байна. Үнэн мөнийг тогтоох ёстой гэж үзэж байна. Ерөнхий сайдын хамаарал бүхий сургуульд зардал шийдсэн гэсэн зүйл байхгүй, төсвийн хуулийг харж болно. Ерөнхий сайдын хувьд ийм үйлдэл хийх шаардлага байхгүй.

Миний гэр бүл, ажлын мэргэжлийн нэр хүндэд халдаж байна. Миний хамаарал бүхий этгээдүүдээс төсвөөс санхүүжилт авах ямар ч хүсэлт тавиагүй. Үүнийг шалгуулах л ёстой, үнэн мөнийг тогтоолгох ёстой. Албан хаагч нар ажлын төлөвлөгөө ч юм уу, хаанаас гарч ирсэн нь мэдэгдэхгүй эксел файл явуулж миний нэр хүндэд халдаж байгаад маш их гомдолтой байгаа. Ямар ч сорилтыг үл хайхран давж гарна. Баримтгүйгээр нэр хүндэд халдаж байна. Миний аав, ээж хоёр улсын төсвөөс нэг ч төгрөг аваагүй, өнөөдрийг хүртэл ариун цагаан хөдөлмөрөөрөө зүтгэж байгаа хүмүүс” гэсэн юм.

Холбоотой мэдээ

Арабын Нэгдсэн Эмират Улстай эрчим хүчний салбарт хамтран ажиллах тухай санамж бичигт гарын үсэг зурав
Бүгд Найрамдах Социалист Вьетнам Улсын Үндэсний Ассамблейн даргыг албан ёсоор угтаж авлаа
Монгол Улсын Засгийн газар “БлэкРок ФМА” компанитай харилцан ойлголцлын санамж бичиг байгууллаа

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0