АНУ-ын түүхэнд хамгийн анхны “хар” сансрын нисгэгчид нэр дэвшигч Эд Двайт өчигдөр 90 настайдаа сансарт хөөрч бүх цагийн түүхэн дэх хамгийн ахмад настай сансрын нисэгч болсон байна. Алдарт Амазон компанийн захирал Жефф Безосын үүсгэн байгуулсан сансрын технологийн Блу Орижин Интерпрайзес компанийн Шепард НС-25 сансрын хөлөг өчигдөр буюу 2024 оны тавдугаар сарын 19-нд хөөрсөн юм.

Эд Двайт 60 гаруй жилийн өмнө буюу 1961 онд АНУ-ын Ерөнхийлөгч агсан Жон Кеннедигийн тушаалаар хамгийн анхны хар арьст сансрын нисэгч болохоор бэлдэж байсан ч зорилгодоо хүрч чадаагүй юм байна. АНУ-ын хувьд НАСА 1978 онд хар арьст сансрын нисэгчийг сонгон шалгаруулж, 1983 онд Гуйон Блуфорд анхны хар арьст сансрын нисэгч болж байсан юм. Харин дэлхийн түүхэнд хамгийн анхны хар арьст сансрын нисэгчээр Арнальдо Тамаёо Мендез гэх хүн тодорч байсан бөгөөд Зөвлөлтийн засгийн газраас африк гаралтай кубын иргэн түүнийг сансарт хөөргөж байсан түүхтэй.