Цахим орчинд "Энэ хүн 25-р эмийн сангаас дээш өгсөж байхад нэг охиныг айлгаад араас нь орилж гүйсэн. Над руу мөн орилоод зодох гэж дайрсан" гэх утгатай мэдээлэл түгсэн.

Цагдаагийн байгууллагад өчигдөр /2026.08.04/ 15 цагийн үед “Чингүнжав хөшөөний орчим архи согтууруулах ундааны зүйл хэрэглэсэн үедээ бусадтай хэрүүл маргаан хийж байна” гэх дуудлага, мэдээлэл ирсэн байна.

Энэ дагуу шалгалтын ажиллагаа явуулахад 30 настай, эрэгтэй “Г” олон нийтийн газар хэрүүл маргаан үүсгэсэн байх тул Зөрчлийн тухай хуульд зааснаар торгох шийтгэл оногдууллаа гэж ЦЕГ-аас мэдээллээ.