Дэлхий дээр одоог хүртэл ёроол нь үл тогтоогдсон гүн нүх байна. Одоогоор хамгийн гүн ангал гэж үзэж буй уг цэнхэр нүхний өмнөх хамгийн гүн ёроолтой нүхийг Луугийн нүх гэх бөгөөд өмнөд Хятадын тэнгист далайн түвшнээс 388 метрийн гүнд хүрдэг гэнэ. Мексикийн зүүн өмнөд эрэг орчимд орших Таам Жагийн цэнхэр нүхний ёроол дээрхээс 100 гаруй метрээр гүн гэж эрдэмтэд таамаглаж байна. Бүр тодруулбал 65 сая жилийн өмнө дэлхийг мөргөж, үлэг гүрвэлүүдийг устгасан солироос үлдсэн аварга тогооны төв хэсэгт байрладаг юм байна. Ойролцоогоор 150 метрийн диаметрт уг нүх нь нүдний хүүхэн хараа шиг үзэгдэх бөгөөд эргэн тойрных нь далайн ёроолын бүтэц солонгос бүрхэвч адил харагддаг гэж тус нүхийг судалж байгаа судлаачид дүрсэлжээ. Юкатанаас хойгийн Белизийн хил дээр орших уг нүхийг өнгөрсөн жил анх олж илрүүлсэн ба сонографийн шинжилгээгээр дэлхийд хоёрдугаарт орох хэмжээний гүн гэж таамаглаж байсан нь шинэ судалгаагаар өөр болж таарчээ.