Улс төр

Монгол–Францын ураны төслийн явцтай танилцлаа

2025/08/28
Аж үйлдвэр, эрдэс баялгийн сайд Г.Дамдинням Монгол–Францын хамтарсан ураны төслийн явцтай танилцлаа.
Уулзалтын үеэр төслийн өнөөгийн явц, хөрөнгө оруулалтын гэрээ байгуулагдсантай холбогдуулан хувьцаа эзэмшигчийн гэрээ болон орд ашиглах гэрээний хэлэлцээний үр дүнтэй танилцаж, санал солилцов.
Сайд Г.Дамдинням энэ үеэр гэрээний хэрэгжилт, цаашдын зохион байгуулалтын талаар саналаа илэрхийлж, төслийг тогтвортой, үр дүнтэй хэрэгжүүлэх чиглэлээр холбогдох албан тушаалтнуудад үүрэг чиглэл өглөө.
Мөн ураны төслийн хэрэгжилт нь хоёр улсын эдийн засгийн хамтын ажиллагааг өргөжүүлэх чухал ач холбогдолтойг дурдав.
Уулзалтад “Мон-Атом” ХХК-ийн захирал Д.Далайжаргал, Захиргааны удирдлагын албаны дарга Д.Сугарсүрэн, Геологи, уул уурхайн албаны дарга С.Халиунаа, ахлах инженер А.Алтанхундага нар оролцож, төслийн явц болон цаашдын төлөвлөгөөний талаар мэдээлэл өглөө.

Холбоотой мэдээ

Махны экспорт 85 мянган тоннд хүрчээ
Шүүхийн шийдвэр гүйцэтгэх байгууллагын хэлтсүүд нийслэлийн 9 дүүрэг, нэг цэгийн төвүүдэд шилжиж ажиллана
Түлш, шатахууны үнэ өсөхгүй

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0