Нидерландын хэсэг эрдэмтэн түрүү булчирхайн хорт хавдрын судалгаа хийж байхдаа хүний биеийн эсрэг талаас цоо шинэ эрхтэн олж нээсэн байна. Тэрхүү шинэ эрхтэн нь өдийг хүртэл бидний яг хамар доор байжээ. Өөрөөр хэлбэл хамрын яг ард хэсэгт байрладаг аж. Нидерландын Хорт хавдрын судалгааны хүрээлэнгийн эрдэмтэд цацраг идэвхт глюкозын тариа хийлгэсэн өвчтөнд олон янзын шинжилгээ хийж, рентген зураг авч байхдаа тун хачирхалтай нээснээ сонирхууллаа. Уг тарианы зорилго нь хорт хавдарын хавдрыг гэрэлтүүлж, илрүүлэхэд хялбарчлах зориулалттай юм байна. Тарианы үйлчлэлээр түрий булчирхайн тухайлсан мембраны антиген буюу түрий булчирхайн хорт хавдарын эсэн дэх уургийг холбосноор рентген төхөөрөмжинд гэрэлтэж харагддаг юм. Гэтэл шинжилгээний явцад өвчтөний толгойн тус газар хоёр жижиг цэг гэрэлтэн тодрохыг анзаарсан байна. Хамрын хөндий болон хоолой нийлэх цэг дээр байрлах уг шинэ эрхтэнг эрдэмтэд гуурсан шүлсний булчирхай гэж нэрлэсэн бөгөөд товчхондоо хүний нүүрний яг ард байрладаг нууцлагдмал эрхтэн юм. Эрдэмтэд анх шинэ эрхтэн олж нээчихээд итгээгүй учир дахин 100 өвчтөний рентген зургийг авч нягтлан үзсэнээр шинэ нээлт нь тодорхой болжээ.

Хүний биеийн шинэ эрхтэнг анх 2020 онд илрүүлж, дөрвөн жилийн судалгааны хүчинд шинэ нээлтээ баталгаажуулсан гэж Нидерландын хорт хавдар судлалын хүрээлэн ийн мэдэгджээ. Одоогийн байдлаар уг шинэ эрхтэний судалгааны ажил ид өрнөж байгаа гэв.