Ази тивийн Сингапур, Энэтхэг зэрэг улсуудад “Ковид-19” халдвар эрс нэмэгдэж эхэлсэн байна. Ялангуяа Зүүн өмнөд Азийн Хонконг, Сингапур, Тайланд зэрэг улсуудад ковид-19 халдварын омикрон хувилбарын тархалт өндөр байна. Одоогоор 15 мянга гаруй тохиолдол бүртгэгдээд байна.

Энэтхэг улсад л гэхэд дангаараа таван мянга гаруй тохиолдол бүртгэгджээ. Цаашид халдварын тохиолдол нэмэгдэх хандлагатай байна. Тиймээс Зүүн өмнөд Азийн улс орнууд халдвар, хамгааллын дэглэм баримтлах, халдвараас урьдчилан сэргийлэх зөвлөмж өгч эхэлжээ. Хэдийгээр халдварын тохиолдол өндөр байгаа ч цар тахал болох хэмжээний тархвартай байхгүйг эрүүл мэндийн ажилтнууд мэдэгдсэн байна. АНУ болон баруун европын улс орнуудад 2025 оны эхний улиралд халдварын тохиолдол эрс нэмэгдсэнийг судалгаа харуулж байна.