Халдварт саа нь аль нэг мөчдийн саажилтаар илэрч, насан туршдаа тахир дутуу болох, эндэх эрсдэл өндөртэй өвчин юм.

1962 оноос Монгол улс халдварт саагийн эсрэг вакциныг нэвтрүүлж, 2000 онд устгажээ. Гэвч бусад улсаас зөөвөрлөгдөн орох  эрсдэл байсаар байна.

Халдварт саа өвчний эсрэг вакцинд өөрт ойр сум болон өрхийн эрүүл мэндийн төвд хандан үнэ төлбөргүй хамрагдах боломжтой. Вакцинд хамрагдсан эсэхээ эх хүүхдийн ягаан дэвтэр болон emongolia.mn, өрхийн эрүүл мэндийн төвөөс лавлаарай.

Товлолын дагуу хамрагдаж чадаагүй бол гурав хүртэлх насанд сум, өрхийн эрүүл мэндийн төв дээрээ нөхөж хийлгэх боломжтой гэж ХӨСҮТ-өөс мэдээлэв.