БНХАУ-ын Хэбэй мужийн Сунан дүүрэгт дэлхийн анхны өргөн зурвасын 10G сүлжээ нэвтэрлээ. Өнгөрсөн сарын 20-ний өдөр уг хотод туршилтын журмаар уг сүлжээг нэвтрүүлэхэд мэдэгдэхүйц ахиц гарсныг холбогдох хүмүүс хэлж байна. Хятадын “Хуавэй” болон “Хятад Юником” компани хамтран уг сүлжээг нэвтрүүлсэн юм.

Энэхүү сүлжээ нь одоогийн шилэн кабелийн дэд бүтцээр өгөгдлийн дамжуулах хурдыг нэмэгдэхүйц нэмж байгаагаараа онцлог. Тухайлж үзвэл 4К нягтаршилтай бүрэн хэмжээний киног ердөө 20 секундэд татаж авна гэсэн үг юм. Уг сүлжээг энэ жилдээ багтан Хятадын хүн ам ихтэй томоохон хотуудад нэвтрүүлэх бөгөөд 2026 он гэхэд Хятад даяар нэвтрүүлэх зорилготой аж.