Хэнтий аймгийн Норовлин суманд энэ сарын 19-ний өдөр 128 хүн хоолонд хордсон тохиолдол бүртгэгджээ. ХӨСҮТ-өөс голомтод тандалт судалгаа хийж байна. Нийт 59 хүнд шинж тэмдэг илэрснээс найман хүнийг хүндэвтэр гэж үзэн сумын эмнэлэгт эмчилж байгаа ажээ.

ХӨСҮТ-д гуравдугаар сарын 17-ны өдөр 548 хүн хоолонд хордсон гэх мэдээлэл бүртгэгдсэнээс хойш энэ төрлийн дуудлага мэдээлэл өссөөр нийт 2320 хүн хоолны хордлогоор бүртгэгджээ. Эдгээр хүмүүсийн 15-33% нь халдварын шинж тэмдэг илрээд байна. Харин ХӨСҮТ-д биеийн байдал нь хүндэвтэр гэх шалтгаанаар 306 хүн хэвтэн эмлчлүүлсэн бөгөөд хоёрынх нь биеийн байдал хүндэрсэн ч эргээд тогтворжсон. Хэвтэн эмчлүүлэгсдийн дийлэнх нь 20-30 насныхан байжээ.