БНХАУ-ын нийслэл Бээжин хотноо роботууд оролцсон хагас марафоныг зохион байгууллаа. Хагас марафонд оролцсон “E-Town Humanoid Robot” 2 цаг 40 минутын цагаар барианд оржээ. Энэ нь хүн төрөлхтний тогтоосон дээд амжилтыг эвдэж чадсангүй. Хүн төрөлхтний тогтоосон дээд амжилт энэ төрөлд 1 цаг 11 минут 7 секунд байдаг юм.

Дэлхийд анх удаа хүн болон хүн дүрст роботыг багтаасан хагас марафонд 10 мянган хүн, 21 хоёр хөлт робот оролцсон байна. Марафонд DroidVP, Noetix Robotics зэрэг Хятадын үйлдвэрлэгчдийн янз бүрийн хэлбэр, хэмжээтй роботууд байжээ. Зохион байгуулагчдын зүгээс энэ бол зөвхөн техникийн үзүүлбэр байсан бөгөөд физик шинж чанар, хүчин чадлын хувьд роботууд угаасаа ялах боломж байгаагүй гэж мэдэгдсэн байна.

БНХАУ ирэх таван жилд хиймэл оюун ухаан, их өгөгдөл, роботжуулалтын салбарт онцгойлон анхаарахаа зарласан. Тийм ч учраас энэ салбарт хөрөнгө оруулалтыг нэмэгдүүлж, улс ардын аж ахуйн салбарт нэвтрүүлэн, эдийн засгийн өгөөжийг нь нэмэгдүүлэхээр болсон билээ.