Монгол Улсын иргэн 36 настай Н.Хишигжаргал гэгч энэ сарын 9-ний өдөр Японы Токио хотын Сенсожи сүмд жуулчны хэтэвч хулгайлсан хэргээр үйлдэл дээрээ баривчлагджээ. Тэрээр энэ сарын 9-ний өдрийн 13.30 цагийн орчимд Токио хотын Тайто тойргийн Сенсожи сүмд аяллаар явж байсан 81 настай америк эмэгтэйн цүнхнээс, 10 мянган иен бэлнээр хадгалж явсан хэтэвч хулгайлжээ.

Түүний энэ үйлдэл анхны биш бөгөөд энэ сарын 6-ны өдөр нэгэн эмэгтэйн хэтэвч хулгайлсныг мөрдөн байцаагч нар олж тогтоожээ. Тэрээр мөн л Сенсожи сүмд хулгайн хэрэг үйлдсэн байна. Н.Хишигжаргал мөрдөн байцаалтын үеэр “Би хулгай хийгээгүй. Тэр настай эмэгтэйн цүнх миний хүрмэнд тээглээд унах гээд байсан. Тэр зүйлийг өөрт нь өгөх гэтэл хулгайн хэрэгт сэжиглэлээ” гэсэн байна.

Мөрдөн байцаалт одоо ч үргэлжилж байгаа тул нэмэлт мэдээлэл тодорхой болоогүй байна.