Монгол Улсын Засгийн газрын шийдвэрээр ирэх тавдугаар сарын 16-ны өдрөөс эхлэн дулааны үнийг 85% нэмэхээр болж байна. Түүгээр ч зогсохгүй есдүгээр сарын 16-ны өдрөөс халуун, хүйтэн усны үнийг мөн нэмнэ. Ингэснээр Засгийн газар анх бүрдэхдээ амлаад байсан дөрвөн жилд инфляцыг 5-аас дотогш барина гэсэн мөрөөдөл замхрах тийшээ хандаж байна.

Дулааны тариф өнөөдөр 33.8 мянган төгрөг байгаа бол бодит өртөг нь 62.9 мянган төгрөг болж байгаа бөгөөд үүний зөрүүнээс их хэмжээний алдагдал хүлээдэг аж. Айлуудын цахилгаан, дулааны тарифт 2019 оноос хойш 5 жилийн хугацаанд өөрчлөлт ороогүй тогтвортой мөрдөгдөж ирсэн юм.