БНХАУ-ын түүхийн томоохон дурсгал гэгдэх Цагаан хэрэм бидний бодож байснаас 300 жилээр урт настай болохыг тогтоожээ. БНХАУ-ын Шандунь мужаас олдсон археологийн олдворууд дээр хийсэн дүн шинжилгээгээр ийнхүү тогтоосон байна. Малтлагын ажил 2024 оны 5-12 дугаар сард үргэлжилж нийт 1100 хавтгай дөрвөлжин метр газрыг хамарчээ. Судлаачид нүүрстөрөгчийн ислийн нас, Цагаан хэрмийн барилгын ажлын хүрээ, ойролцоогоос олдсон ургамал болон амьтны олдворууд дээр дүн шинжилгээ хийсэн байна. Дээрх археологийн олдворууд нь хөгжлийн янз бүрийн үе шатанд хамаарах зам, шуудуу, шороон байгууламж, эрэг, үнсний нүх, барилгын хана зэрэг байжээ.

Шаньдун мужийн Соёлын дурсгал, археологийн хүрээлэнгийн тодорхойлсноор тухайн хэсэг газар хөгжлийн гурван үе шатанд хувааж болохоор байна. Тухайлбал эхний хоёр нь 10 метрийн өргөнтэй хана бөгөөд хавар намрын үе буюу МЭӨ 1046-256 оны хооронд хамаарах Жоу улсын үед хамаарч байгаа аж. Харин гурав дахь нь Ци улсын үед буюу МЭӨ 475-221 онд хамаарч байна. Түүгээрч зогсохгүй археологчид түүхийн томоохон олдвор болох Жоу улсын үед хамаарах хоёр ширхэг орон байрны туурь олжээ. Энэ нь тухайн хэрмийн барилгачид жижиг суурин үүсгэн төвлөрөн байрлан ажиллаж байсныг илтгэж байгаа аж.

Археологийн олдвор олдсон хэсгийг эртний судар бичгүүдэд дурдаж ирсэн Пингин гэх хоттой байршлын хувьд таарч байгааг түүхчид тодотгожээ. Цаашид судалгааны ажил үргэлжлэх бөгөөд Хятадын ШУА энэ ажилд анхаарч байгаа аж.