Эрүүл мэнд

Б.Батцоож: Хэвтэн эмчлүүлэх хүүхдийн тоо 14 хувиар буурсан

2025/01/13
Нийслэлийн хэмжээнд томуу томуу төст өвчний нөхцөл байдал ямар байгааг талаар НЭМГ-ын Эмнэлгийн тусламжийн хэлтсийн дарга Б.Батцоож мэдээлэл өглөө. Тэрбээр “ Нийслэлийн хэмжээнд 77 мянган амбулаторийн үзлэг хийгдсэн. Үүнээс томуу томуу төст өвчлөлтэй холбоотой 7800 тохиолдол бүртгэгдсэн.
Энэ нь өнгөрсөн долоон хоногоос 2.2 хувиар буурсан үзүүлэлтэй байна. Нийслэлийн түргэн тусламжийн газарт 15 мянган дуудлага мэдээлэл ирсэн. Үүнээс томуу томуу төст өвчлөлтэй холбоотой дуудлага 21 хувийг эзэлж байна.
Хүүхэд хэвтэн эмчлүүлж байгаа 21 эрүүл мэндийн байгууллагад 2759 орыг дэлгэж, хэвтэн эмчлүүлэх бэлэн байдлыг хангаж ажиллаж байна. Өнөөдрийн байдлаар  нийслэлийн хэмжээд 1517 хүүхэд хэвтэн эмчлүүлж байгаа. Хэвтэн эмчлүүлэх хүүхдийн тоо 14 хувиар буурсан.

Маргаашаас эхлээд өрхийн эрүүл мэндийн төвүүд бүсчилсэн байдлаар ажиллана. Томуу, томуу төст өвчний нөхцөл байдлаас шалтгаалж, өнгөрсөн 12 дугаар сараас эхлэн өрхийн эрүүл мэндийн төвүүд уртасгасан цагаар буюу ажлын өдрүүдэд 08.30-21.00 цаг, амралтын өдрүүдэд 11.00-18.00 цаг хүртэл ажиллаж эхэлсэн.

Харин маргаашаас дэгдэлтийн түвшинд хүрэхээс өмнөх зохицуулалт буюу бүсчилсэн байдлаар ажиллана. Цагийн хуваарийн тухайд ажлын өдрүүдэд 08.30-20.00 цаг, амралтын өдрүүдэд 11.00-18.00 цагийн хооронд ажиллана" гэлээ

Холбоотой мэдээ

Т. Төгсхүслэн залуучуудын олимпын наадмын хүрэл медаль хүртлээ
Прокурор 518 хэрэгт яллах дүгнэлт үйлджээ
Дорноговь аймгийн Улаанбадрах сумын төвөөс Зөөвч-Овоо чиглэлийн 60 км авто замын барилгын ажил эхэллээ

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0