“Жолоочийн албан журмын даатгал 700 мянган төгрөг болсон, даатгал 500% нэмэгдсэн” гэх зэрэг ташаарал дагуулсан мэдээлэл цахим сүлжээнд тархаж, иргэдийн уур бухимдлыг төрүүлээд байгаа. Гэхдээ бодит байдал дээр нөхцөл арай өөр гэдгийг албаныхан хэлж байна. Тухайн жолоочийн албан журмын даатгал 700,000 төгрөг гарвал ор үндэслэлгүй зүйл биш. Учир нь, даатгалын гэрээ хэрэгжих нэг жилийн хугацаанд жолооч согтуугаар тээврийн хэрэгсэл жолоодох, урсгал сөрөх, гэрэл дохио зөрчих зэрэг Монгол Улсын замын хөдөлгөөний дүрэм баримтлалгүй, зөрчил гаргаж, торгууль оногдуулж байсан бол төлөх даатгалын хэмжээ нэмэгдэх хариуцлагын тогтолцоо хэрэгжиж эхлэх юм. Үүнээс гадна банк бус санхүүгийн байгууллагын зээлээр автомашин худалдан авахдаа тухайн тээврийн хэрэгслийг жолоодох хүний тоог “хязгааргүй”-гээр сонгосон болон бусад тохиолдолд албан журмын даатгалын хэмжээ улам өсөх магадлалтай юм байна. Эдгээр болон өөр бусад олон шалтгаан нөхцөл нөлөөлж болох учир жолооч бүр албан даатгалд заавал их хэмжээний мөнгө төлнө гэсэн үг биш гэдгийг ойлгох хэрэгтэй.
Жолоочийн албан журмын даатгалд: А ангилал: 12500 төгрөг

Жолооч та автозамын хөдөлгөөнд хариуцлагатай оролцож, дүрэм журмаа сайтар мөрддөг бол таны төлөх даатгалын хэмжээ нэмэгдэхгүй харин ч буурах бололцоотойг албаныхан онцолж байна.