Зүүн Өмнөд Азийн Төв банкнуудын холбоо (SEACEN)-ны гишүүн, Төв банкнуудын Ерөнхийлөгч нарын өндөр түвшний 60 дахь семинар болон Ерөнхийлөгч нарын зөвлөлийн 44 дэх хурал энэ сарын 05-наас 07-ны өдрүүдэд БНСУ-ын Сөүл хотноо болж өнгөрлөө. 

Ерөнхийлөгч нарын зөвлөлийн энэхүү хурлаар “2025 оны дэлхийн эдийн засаг, санхүүгийн зах зээлийн төлөв байдал” болон SEACEN-ны стратеги, үйл ажиллагааны төлөвлөгөө зэрэг асуудлыг хэлэлцсэн байна. Энэхүү арга хэмжээнд Монголбанкны Ерөнхийлөгч Б.Лхагвасүрэн оролцож, “Гео-эдийн засгийн хуваагдлын Ази тивийн эдийн засагт үзүүлэх бодлогын үр дагавар” сэдэвт хэлэлцүүлэгт панелистаар оролцсон нь санхүүгийн салбарын олон улсын хамтын ажиллагааг өргөжүүлэх, эдийн засгийн бодлогын чухал асуудлуудаар дэлхий нийтийн төлөв байдалтай зэрэгцэн алхах боломжийг олгож байна.

Түүнчлэн дэлхийд нэр хүндтэй энэ хуралд Монгол Улсын санхүүгийн салбарыг төлөөлөн оролцсон нь улс орны банк санхүүгийн салбарын гадаад харилцаа, хамтын ажиллагааг өргөжүүлэх, дэлхийн эдийн засгийн чиг хандлагад нийцүүлэн бодлого, үйл ажиллагаагаа хөгжүүлэхэд чухал ач холбогдолтой алхам юм.