Дрекселийн анагаах ухааны коллежийн судлаачдын саяхны судалгаагаар нялх, бага насны хүүхэд зурагт болон видео үзэх нь сэтгэхүйн хөгжилд ссөргөөр нөлөөлдөг болохыг тогтоожээ. Тус судалгааны өгүүлэл JAMA Pediatrics сэтгүүлд нийтлэгдсэн бөгөөд үүнээс харвал хоёр нас хүрэхээсээ өмнө зурагт болон видео үзэх нь тухайн хүүхдийн мэдрэхүйн зан үйлд сөрөг нөлөө үзүүлэх магадлал өндөр байна. Судалгаа бүхэлдээ хүүхдийн мэдрэхүйн ур чадварт анхаарал хандуулсан бөгөөд харах, сонсох, хүрэлцэх, амтлах мэдрэмжийг хэрхэн боловсруулдаг болохыг судалжээ.
Судалгаанд 2011-2014 оны хооронд Филадельфи муж даяар 12-24 сартай 1471 хүүхдийг хамарссан Үндэсний хүүхдийн судалгаанд суурилсан байна. Судалгааны үр дүн дараах байдлаар гарсан юм.

Судлаачид хүүхдийн нас, төрөх явц, асран хамгаалагчийн боловсрол, арьсны өнгө, үндэс угсаа, харилцан ярилцах, тоглох зэрэг хүчин зүйлийг харгалзан үзсэн байна. Ингэснээр дэлгэцийн хамаарал нэмэх бүрд анхаарал дутмагших, хэт хөдөлгөөндөх эмгэг /ADHD/, аутизмын хүрээний бэрхшээл /ASD/-д тодорхой хэмжээнд нөлөөлж болно гэж дүгнэжээ. Аутизмын хүрээний бэрхшээл нь мэдрэхүйн хэвийн бус байдлаас үүдэн цочромтгой болох, нийгмийн харилцааны чадварыг бууруулдаг бол анхаарал дутмагших, хэт хөдөлгөөндөх эмгэг нь гүйцэтгэх үйл ажиллагааг сааруулж, сэтгэлийн түгшүүр нэмэгдэн, амьдралын чанар мууддаг юм. Дрекселийн анагаах ухааны коллежийн Сэтгэцийн эмгэг судлалын дэд профессор Карен Хеффлер хэлэхдээ “ADHD, ASD өвчний аль нэг шинж тэмдэг илэрч байвал дэлгэцийн хамаарлыг аль болох бууруулахын зэрэгцээ, хүүхэдтэйгээ харилцан ярилцах хэрэгтэй” гэсэн байна.

АНУ-ын Хүүхдийн анагаах ухааны академиас боловсруулсан зөвлөмжид 18-24 сар хүртэл хүүхдийн дэлгэцийн хэрэглээг хязгаарлаж, 2-5 насны хүүхдэд дэлгэцийн хэрэглээг өдөрт 1-ээс илүүгүй байхыг тусгажээ.