Нийгэм

Халхын голын ялалтын 85 жилийн ойг тэмдэглэх ёслол халх гол суманд үргэлжиллээ

2024/08/29
Энэхүү түүхэн ялалтын үнэ цэн, ач холбогдлыг Монгол Улсын иргэд, хүүхэд, залуучуудад ойлгуулан сурталчлах, эх оронч үзлийг түгээн дэлгэрүүлэх, эх орончдын гэгээн дурсгалыг хүндэтгэн мөнхжүүлэх зорилготой үйл ажиллагаа хөтөлбөрийн дагуу Дорнод аймгийн Халх гол суманд зохион байгуулагдлаа.

Энэ хүрээнд Ялалтын хөшөө, БНМАУ ын баатар Л.Дандар, Ерөн баатрын хөшөө, Хилчин дайчдын хөшөө, Яковлевын танкчдын хөшөө, Монгол дайчдын хөшөөнд цэцэг өргөн хүндэтгэл үзүүлж, төв талбайд төрийн цэргийн байгууллагуудын алба хаагчид оролцсон цэргийн ёслолын жагсаал, баярын хурал, хүндэтгэлийн тоглолт болон үдшийн цэнгүүн, ёслолын буудлага боллоо.

 Уг хүндэтгэл, ёслолын ажиллагаанд ҮАБЗ-ийн нарийн бичгийн дарга А.Бямбажаргал, Ажлын албаны дарга хошууч генерал Д.Ариунболд, ЗХЖШ-ын орлогч дарга бригадын генерал Б.Баатар, ойг тэмдэглэн өнгөрүүлэх комиссын нарийн бичгийн дарга, БХЯ-ны газрын дарга хурандаа Р.Энхболд, ХХЕГ-ын дарга, Хилийн цэргийн командлагч хошууч генерал Х.Лхагвасүрэн нарын албаны төлөөлөгчид, орон нутгийн удирдлагууд оролцлоо.
 
Эх сурвалж: Соёмбо редакц

Холбоотой мэдээ

Хятадын үндэсний газрын тосны корпорацитай шатахууны нийлүүлэлтийг нэмэгдүүлэх урт хугацааны гэрээ байгуулахаар тохиролцов
Алба хаагчдын нийгмийн баталгааг сайжруулахад урьдын адил онцгой анхаарна
Т.Даваадалай: “Стартап”-уудыг бүх талаар дэмжиж, хөгжүүлж ажиллана

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0