Нийгэм

БШУЯ: Математик, биологийн олон улсын олимпиадад амжилттай оролцсон сурагчдыг хүлээн авч уулзав

2024/07/25
Боловсролын сайд математик, биологийн олон улсын олимпиадад амжилттай оролцсон сурагчдыг хүлээн авлаа.
Математикийн олимпиадад дэлхийн 108 улсын 600 гаруй сурагчид өрсөлдөж Монгол Улсын багийн 6 сурагч өрсөлдөж бүгд медаль хүртэж, багийн дүнгээр 16 дугаар байрт шалгарсан.

Биологийн олимпиадад дэлхийн 80 улсаас 300 гаруй сурагчид өрсөлдөж Монгол Улсын багийн 4 сурагч өрсөлдөж 2 хүрэл медаль хүртсэн. Олимпиадын даалгавар онолын болон практик хэсгээс бүрдсэн байна.

Практик дадлагын тоног, төхөөрөмжийн хангамж сайжруулахад онцгой анхаарах шаардлагатай байгааг онцлов.
Олимпиадад амжилт гаргасан сурагчид сэтгэл зүйгээ сайн хянаж чадсанаар амжилт гаргахад онцгой нөлөөлсөн гэх сэтгэгдлүүд нийтлэг дурдав.

П.Наранбаяр сайд Монгол Улсынхаа нэрийг дэлхийд өндөрт өргөж, амжилт гаргасан сурагчдадаа халуун баяр хүргэе, та бүхнээр бахархаж байна. Сурагчдыг мөрөөдлөө нээлттэй илэрхийлж, мөрөөдөлдөө тэмүүлж яваарай, мөрөөдөл нь зорилго, зорилго нь амжилт болдгийг захив. Цаашид олон улсын олимпиадад оролцогчдыг бодлогоор тууштай дэмжихээ илэрхийлж, биологийн лабораторийн сургалтыг дэмжихээ амлалаа.

Боловсролын яамнаас албан ёсоор “Олон улсын математикийн олимпиадын хороо”-нд 2029 оны олон улсын математикийн олимпиадыг Монгол Улсад зохион байгуулах хүсэлт хүргүүлэхээ мэдэгдэв. Мөн биологийн олон улсын олимпиадыг Монгол Улсад зохион байгуулах боломжийг эрэлхийлэхээ мэдэгдэв.

Холбоотой мэдээ

Өнөөдөр 16:00 цагийн байдлаар "Замын хөдөлгөөний удирдлагын төв"-ийн хяналтын камерт 10 зам тээврийн осол бүртгэгджээ
Нийслэлийн ерөнхий боловсролын гурван сургуульд 300 ширээ, сандал хандивлалаа
Зориулалтын саванд шатахуун олгох, аймгуудын хангамжийг нэмэгдүүлэх, нөөц бүрдүүлэх үүрэг өглөө

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0