Гадаад улсад оршин сууж буй монголчууд 2024 оны УИХ-ын ээлжит сонгуульд саналаа өгч дууслаа. Энэ удаагийн сонгуульд гадаадад буй 13.95 мянган иргэн саналаа өгөхөөр сонгогчдын нэрсийн жагсаалтад бүртгүүлснээс ирц 50% давсан тухай Сонгуулийн ерөнхий хорооноос мэдээллээ.

Өмнөд Солонгосын Сөүл хотын салбар комисст санал өгөхөөр 2656 иргэн бүртгүүлснээс 1845 хүн санал өгсөн байна. Ийнхүү ирц нь 69.47% хүрчээ. Харин Кувейт улсад санал өгөхөөр бүртгүүлсэн бүх хүн санал өгсөн бол Лаос, Киргизстан, Арабын нэгдсэн Эмирт, Вьетнам, Египет, Беларусь, Энэтхэг, Сингапур улсад сонгогчдын ирц 90 гаруй хувьтай байжээ.

Гадаадад буй иргэдийн санал ажиллагааг СЕХ-ны байранд санал авах өдрийн 22:00 цагаас саналын хуудсыг санал тоолох төхөөрөмжид хийж тоолон дүүнг мэдээлэхээр хуульчилсан юм.